Fondevik og Hilde Osdal. Nynorsk grammatikk

Ein grammatikk for ungdom og vaksne er eit læremidel som har mangla i opplæringa på nynorsk i vaksenopplæring og skule. Vi legg no ut grammatikken: Nynorsk grammatikk for minoritetsspråklege på nettstaden til nynorsksenteret til fri nedlasting for alle som kan ha nytte av eit slikt tilbod. Teksta er ikkje interaktiv, og må skrivast ut. Grammatikken er delt inn i to, i del ein, ordklasser og del to, setningar. Den første delen gir eit systematisk oversyn over alle dei ti ordklassene. Den andre delen inneheld både kapittel om setningsanalyse, ulike typar setningar og eit kapittel om teiknsetjing.
Denne grammatikken skal vere ei enkel innføring i nynorsk grammatikk for minoritetsspråklege, med både teori, forklaringar og arbeidsoppgåver. Vi vender oss særleg til ungdommar og vaksne minoritetsspråklege som ønskjer å lære nynorsk, og som har ein viss skulebakgrunn frå heimlandet. Grammatikken er tenkt som eit supplement til andre læreverk, og vi vonar han vil vere eit eigna hjelpemiddel for ungdomsskuleelevar, elevar i vidaregåande skule og for deltakarar i vaksenopplæringa i kommunane opp til Norskprøve 3-nivået. Teksta inneheld både forklaringar på grammatiske fenomen innan ordklassene og innan enkel setningsanalyse. Både i ordklasse- og setningskapitla har vi først ein presentasjon av eit nytt fenomen med forklaringar, og så oppgåver som kan løysast av den enkelte eller i ein klassesituasjon.